-Almmuhus-
-Almmuhus-
OĐĐASAT – Boazodoalostivra ferte vuhtii váldit

– Boazodoalostivra ferte vuhtii váldit

-

-

Bargiidbellodaga sámediggejoavku bivdá dál ahte Boazodoalostivra váldá eret bággosáhkuid Jovsset Ánte-áššis. 

Bargiidbellodaga parlamentáralaš jođiheaddji, Ronny Wilhelmsen, ávžžuha dál ahte Boazodoalostivra bargagoahtá áššiin ahte oažžut eret bággosáhkuid.

Vaikko Jovsset Ánte ieš lea gávdnan gaskaboddosaš čovdosa iežas boazologu ektui ja dan botta go vuordá ahte ON kommišuvdna buktá cealkámuša su áššis, de bisuhuvvojit bággosáhkkut mat leat 600.000 ruvnno beaivái.

– Boazodoalostivrras galgá leat čoahkkin duorastaga ja bearjadaga, ja mii vuordit ahte Sámedikki áirasat ovddidit evttohusa ahte sihkkut bággosáhkuid, dadjá Wilhelmsen, preassadieđáhusas.

– Dat lea čielggas ahte diekkár sáhkkohallamat billistit nuorra boazodoalli vejolašvuođaid ahte eallit boazodoaluin. Dat lea áibbas eahpesolidáralaš meannudeapmi olbmos, čállá Wilhelmsen.

– Dál lea gaskaboddosaš čoavddus gávdnon, mii dagaha ahte Jovsset Ánte sáhttá bargat bohccuiguin dassážii go ON buktá loahpalaš mearrádusa áššis. Lea sáhka nuorra boazodoallis gii sáhttá massit iežas eallinláibbi, ja dan ferte Boazodoalostivra vuhtii váldit, loahpaha Wilhelmsen. 

- Advertisement -
-Almmuhus-