Ráđđehus lea ikte sádden boazodoallolága § 60 rievdadusaid meannudeapmái Stuoradiggái. Rievdadusaevttohusain boahtá ovdán ahte Fylkkamánni oažžu válddi mearridit siidaosiide boazologuid.
– Vuosttaš geardde máŋga jagis lea boazolohku dál heivehuvvon guohtundili ektui. Lea dárbbašlaš vai sihkarastit dili ain ovddos, dadjá eanandoallo- ja biebmoministtar Jon Georg Dale.
Váldomihttu politihkain
– Evttohusas lea doarvái láhkavuođđu ahte fylkkamánni sáhttá bearráigeahččat ahte soames boazodoallit eai cegge ealuid mat eai leat dohkkehuvvon mihttuid mielde, dadjá Dale.
Ráđđehusa váldomihttu boazodoallopolitihkain lea ekologalaš bistevaš boazodoallu mii buktá dearvvašlaš ekonomiija ja ceavzilis boazodoalloservvodaga.
Siskkáldas stivrejupmi
Rievdadus lea dárbbašlaš vai boazodoallit eai nanne iežaset go lasihit boazologu, ja galgá dušše doaibmat jus siskkáldas stivrejupmi ii doaimma.
Jus fylkkamánni lea mearridan boazologu siiddain, de lea heivehuvvon nu ahte guokte dahje eanet siidaoasi sáhttet ovttas dohkkehit siskkáldas boazolohkojuogu. Dáinna vugiin váldá vuhtii siskkáldas hálddašeami sihke ovdal ja maŋŋel go fylkkamánni dahká vejolaš mearrádusa.
