Dušše Norgga beale šaddá dat áidi 81 kilomehtera guhku, ja galgá gárvvis ovdal ođđabeairuohta 2021.
2016 giđa dohkkehii Norgga stuoradiggi ođđa áidekonvenšuvnna Norgga ja Suoma gaskkas.
Dat lea vuođđun dasa go dál galgá ceggejuvvot boazoáidi, mii guorrá Norgga ja Suoma ráji Áŋŋelis gitta Leavvajohkii.
Goabbat bealde ráji
Áidi galgá mannat Suoma beale Áŋŋelis Gáregasnjárgii.
Das viidáseappot Gáregasnjárggas (Hávgalasis) Leavvajohkii, ja dat bihttá galgá áidojuvvot Norgga beale.
Dakko galgá áidojuvvot oarjjabeale E6 luotta mii manná Kárášjogas Detnui. Dat bihttá lea 81 kilomehtera.
Hattiid vižžet
Eanandoallo- ja biebmodepartemeanta leat addán Eanandoallodirektoráhttii ovddasvástádusa čađahit áideprošeavtta, namalassii viežžat hattiid, gulahallat boazodoliiguin ja maid priváhta eananeaiggádiiguin dan áidesaji alde.
Áidi galgá gárvvis juovlamánu 31. beaivvi 2021.
