Beassi kulturstašuvdna bovde kulturvahkku oktavuođas boaresolbmuid beivviide. Fáddá dáin beivviin lea ahte boarrasat olbmot leat resursan sin čehppodagain ja dieđuiguin. Beassi kulturstašuvdna čállá preassadieđáhusas ahte sii fállet sihke diehtojuohkima, háleštallama, kafeá, čájáhusa ja girje- ja eará gávppiid.
Beassi kulturstašuvdna bovde kulturvahkku oktavuođas boaresolbmuid beivviide. Fáddá dáin beivviin lea ahte boarrasat olbmot leat resursan sin čehppodagain ja dieđuiguin. Beassi kulturstašuvdna čállá preassadieđáhusas ahte sii fállet sihke diehtojuohkima, háleštallama, kafeá, čájáhusa ja girje- ja eará gávppiid.
Boarrásat olbmot leat resursan Kárášjogas sihje čehppodagain ja dieđuiguin.
Beassi kulturstašuvdna lea hástalan moanat birrasiid searvat Boarrásiid beivviide Kárášjogas, čalmmustahttit boarrásiid diliid ja fuomášuhttit boarrásat olbmuid resurssaid.
– Servodagas galggašeimmet máhttit sin gealbbu eanet geavahit, go diehtit man olu manahat go diktit dan geavatkeahttá. Go dili láhčá nu, de leat boares olbmot gergosat čehppodagaset juohkit maŋit buolvvaide. Servodat lea dál rievdan teknihkaáigái, ja nuorat buolvvat geat dan máhttet, sáhttet teknihka atnit ávkin seailluhit min árbbi ja árvvuid boarrásat buolvvaid vehkiin, čállá Beassi kulturstašuvdna preassadieđáhusas.
Boaresolbmuid beaivvit
Beassi Kulturstašuvdna, ovddeš Shell bensinstašuvdna Kárášjoga márkanis, lea iešguđet doaluid deaivvadanbáikin ja arenan ovddidit ja oainnusin dahkat báikkálaš dáidaga, kultuvrra, grundár- ja kulturealáhusdoaimmaid – ja dan láhkai ovdánahttit báikkálaš servodateallima.
Kulturvahkku oktavuođas sii dollestit deaivvadeami mii bistá golbma beaivvi, maid leat gohčodan «Boaresolbmuid beaivvit – boaresolbmot resursan».
Fáddá dáin beivviin lea ahte boarrásat olbmot leat resursan, sihke čehppodagain ja dieđuiguin.
– Dáppe lea sihke diehtojuohkin, háleštallan, kafeá, čájáhusat ja girje- ja eará gávpi, čállet lágideaddjit.
Prográmma:
Vuosárgga 13.11.
11.00: Leansmánnekantuvrra sáhkavuorru, Lilja S. Hansen
12.00: Sis-Finnmárkku Bearašsuodjalankantuvra, Eilif Norvang
Maŋŋebárgga 14.11.
12.00: Kárášjoga skuvlla rektor Jan Gunnar Johansen
Gaskavahku 15.11.
12.00: Sámedikki boarrasiidráđi birra, sámediggeráđi Berit Marie P Eira bokte.
Boarrasiidráđi miellahttu Berit Nikkinen Varsi.
Guoimmuheapmi: John Arvid Johnskareng & Astrid Johnskareng
Duorastaga 16.11.
12.00: Kárášjoga jahkegirjji doaimmahusa bargu, Astrid Johnskareng & Gudrun E.E. Lindi
