Boanddat gáibidit badjel millijárdda ruvnno lassin stádas ja ruđat galget gokčat earret eará erohusa dietnasis smávit ja stuorát doaluin.
Gáibádus dain guovtti boandaservviin lea oktiibuot 1,45 millijárdda ruvnno ja šaddá 31 700 ruvnno juohke jahkedoaimma ovddas.
– Ii čuoja čáppa šuoŋa
Boanddaidsearvi oaivvilda gáibádusa leat gáibideaddjin, seamma maid stáda šiehtadallanjođiheaddji Leif Forsell maid logai. Son čujuha ahte gáibádusas lea lasáhus dietnasis mii lea 9 proseanta, go buohtastahttá dán jagáš bálkášiehtadallamiid priváhtasurggiin mas lea lassáneapmi 2,4 proseanta.
– Go mearálaš šuoŋat čuojahuvvot muđuid servvodagas, de dát gáibádus ii čuoja beare čáppa šuoŋa. Mis lea hástaleaddji vuođđu dán jagáš loahpparehkegis eanandoaluin, lohká Forsell.
Son mieđiha ahte boanddat fertejit oažžut eanet go eará joavkkut vai dienaserohus ii šatta beare stuoris, muhto ii čiegat ahte su mielas lea dán jagáš gáibádus lea allat.
– Lea dárbbašlaš
– Go rehkenastát proseanttaid unna logus, de ii leat boađus nu stuoris. Danne áigut mihtidit dietnasa ruvnnuin. Lasáhus mii lea 9 proseantta lea dárbbašlaš vai vástida Stuoradikki mearrádusaid unnidit erohusaid dietnasis boanddaid ja eará joavkkuid ektui, lohká Bartnes. (©NTB)
