FIERCA
21/3-19/4
Don fertet diehtit sihkkarit makkár áigumuš dus lea earáin.
Jus vajálduhtát sin ja jurddašat dušše iežat birra, de gal čuožžilit váttisvuođat.
Jus šattat soardit soapmása dovdduid, de berret diehtit maid dagat, ja leat nu várrogas go sáhtát.
Nuppi dáfus lea dán vahkku vuogas gávnnahit maid áiggut, ja bargat dan. Lea ge várrogas go ođđa luottaid duolmmat.
VUOKSÁ
20/4-21/5
Dál lea áigi nuppástuhttit bargovugiid. Áŋggaštus lea buorre, muhto ii fal dat mii dahká du čalmmeheapmin.
Vállje geainna áiggut maid bargat.
Vállje maid viisát geainna juogadat čiegusvuođaid. Dán áigodaga galggat jurdilit dárkilit ovdal go doaimmahat maide.
Galggat diehtit maid ja manne doibmet. De beasat vásihit ahte áššit čovdojuvvojit.
JUMEŽAT
21/5-21/6
Sosiálalaš eallimis ii mana nu bures juste dál. Leage várrogas maid don dajat ja barggat.
Golggotmánu 3. beaivvi fertet leat hui várrogas. Jus galggat earáide muitalit dehálaš ášši, de galggat leat sihkar ahte don muitalat dan sivas go áiggut dan buoremusa sidjiide.
Jus it áiggo jierpmálaš ságaid muitalit, de lea buoremus doallat njálmmi. Ale hohpohala, vuordde dassái go áigi lea láddan dasa.
REABBÁ
22/6-22/7
Dán vahkku lea vuogas suohtastallat. Erenoamážit olbmuiguin geaidda dovddat oadjebasvuođa.
Ovttastallan mánáiguin lea guovddážis dán vahkku. Sii oahpahit dutnje juoga mii lea hui dehálaš dutnje, namalassii stoahkat.
Seaguhus stoahkamis ja ávkkálaš doaimmain addá sihke dutnje ja earáide eallin
movtta.
LEDJON
23/7-22/8
Álgu dán vahkkus sáhttá leat moivvas. Don čuovuhat áššiid mat leat geavvan vássánáiggis.
Liikká ii leat dárbu šlundut. Mana olggos ja searvva eallima hearvásvuhtii.
Sáhttet leat olu dovddut čadnon, erenoamážit álgovahkkus.
Vahkku mielde rahpasit uvssat, ja don oaččut vejolašvuođa bargat dan maid don duođai liikot ja ráhkistat. Unna áššit sáhttet addit stuorra ilu.
BUHTISNIEIDA
23/8-22/9
Leat go veahá jorbbodan ja leamaš iežat bulljarasa siste, de lea áigi boahtit olggos, ja dadjat čielgasit maid oaivvildat ja searvat servvoštallamiidda.
Fuomáš ahte earát sáhttet dadjat feara maid, vaikko eai álo soaitte oaivvildit dan maid dadjet. Dál it galgga váldit buot nu duođalaččat.
VIEHKAT
23/9-22/10
Jus dus leat plánat dahje lea juoidá maid guhká leat háliidan bargat, de lea dát vahkku láhččojuvvon dasa.
Jallamus maid sáhtát dahkat lea dušše čohkkát ja niegadit. Leaš dál sáhka ráhkisvuođas, ruđain, olmmáivuođas dahje barggus, de bargga juoga dainna.
Doaivumis fertet duolbmat amas luottaid.
De leage dehálaš jurdilit ahte dál ii leat áigi garvit unohisvuođaid, muhto baicca bargat dan maid duođai háliidat.
SKORPIUVDNA
23/10-21/11
Dál sáhtát dadjat juste dan maid oaivvildat.
Muhtimat soitet veahá hirpmahuvvat.
Ieš soaittát maid dovdat ahte leat beare garas. Lea luvrris dovddahit mo dus duođai lea.
Unohisvuođat bohciidit jus it daga dan. Mađi guhkit don garvvát dadjamis ja bargamis maid háliidat, dađi váddásabbon šaddá.
Dus lea bággu dahkat dan.
BÁHČČI
22/11-21/12
Áiggut go rievdadusaid dahkat máilmmis, de fertet vuos rievdadit dan maid dovddat du siste.
Easka de oainnát čielgasit dan maid áiggut rievdadit olgguldasas. Dat boahtá rievdadit du oainnu ollásit.
Mađi álkibun don oainnát áššiid, dađi álkibun maid šaddet dat.
Dát vahkku ii gáibit daguid, muhto baicca gáibida du oaidnit boahtteáiggi luotta.
Buot manná njuovžilit go vuos beasat johtui.
BÁKTEBOHKKÁ
22/12-19/1
Dál lea ráhkisvuohta dehálaš. Du mielas ii leat mearkkašupmi sániin ja lihkastagain, muhto daguin.
Jus áiggut čájehit ráhkisvuođa soapmásii, de čájet dan daguiguin.
Don sáhtát veahkehit sin, dahje oastit čáppa liđiid sidjiide.
Muđui lea dehálaš ahte dus lea bargu masa liikot.
De sáhtát návddašit eallima ollásit.
ČÁHCEOLMMÁI
Jorgalahte teoriija práksisan. Leat go dus višuvnnat ja oaivilat, de galggat geahččalit daid.
Sáhttet leat unna áššit maid áiggošit geahččalit dahje stuorát áššit, nu go filosofalaš jurdagat mo reivtti mielde galgá doibmet daid.
Heivet oktii iežat etihka ja jurdagiid dasa mii lea riekta.
Don boađát dovdat lihkostuvvama, dahje fuobmát ahte oaivvildat áibbas eará go maid álggos jurddašit.
GUOLIT
19/2-20/3
Divtte iežat dovdduid ja áddejumi doalvvuhit du. Atte saji hástalusaide.
Mađi eambbo don ráhkistat, dađi suohttasabbon šaddá. Mo don ráhkistat, lea du duohken.
Sáhttá ahte don ráhkistat teaja, musihka dahje lagasvuođa muhtimiin.
Muitte ahte ráhkisvuođa haga šaddá eallin láittas.
Don mearridat. Válljet go sániid dahje lagasvuođa?
Horoskopa ráhkadan: Atle Skretting, astrologa, NTB
