Duháhiid vejolašvuođat Finnmárkkus
Mii finnmárkulaččat oamastat 60 000 jávrri ovttas ja mii sáhttit oaggut nuvttá birra jándora. Eará guovlluin fertejit dávjá máksit dan ovddas. Juohke rudni lea dego guollebáŋku. Don dieđát doppe lea guolli. Jearaldat lea dohppe go. Muhtomin lea jaska ja ii gullo mihkkege. Eará háviid leat guolit, muhto eai dohppe. Ja muhtun háviid manná nu bures ahte beasat bassit guliid. Dalle lea mávssolaš orrut Finnmárkkus.
Mii finnmárkulaččat oamastat 60 000 jávrri ovttas ja mii sáhttit oaggut nuvttá birra jándora.
Girkonjárgga girječálli Morten Strøksnes čálii oktii ahte go dohppe, de boahtá dat dovdu ahte vaikko mii sáhttá ihtit rutnis. Dat lea danne oaggut lea nu gelddolaš. Go oakkut Finnmárkkus, de mearrida guovlu mii lea vuordimis. Leat eanemus rávddut ja dápmohat jávrriin, muhto siseatnamis ja nuorttabealde leat fas eanemus hárrit, čuovžžat, hávggat, njágat ja vuskkonat. Muhtin sajiin, nu mo Iešjávrris gávdnojit buot dat šlájat. Mis lea rikkis luondu Finnmárkkus.
Mis lea rikkis luondu Finnmárkkus.
Guolástit dálvet lea árbevierru Finnmárkkus, sihke jieŋa alde ja juoŋasteapmi. Olbmuin ledje luondduresurssat olahanmuttus. Álttá boares historjjás maid Halvard Heitman (1997) lea čállán, sáhtát lohkat golbma bivddu birra 50-logus Čávžžu guovlluin, gos godde 446 dápmoha. Mii leat áŋgirat bivdit, bealli buot ollesolbmuin leat fitnan bivddus, nu čuožžu «Hovedtrekk ved friluftslivet i Finnmark – NIFBR» oahpus 1988:s. Dál bivdet sullii 15 000 finnmárkulačča. Dálvi ja beassážat leat bivnnuheamos áiggit. Bivdit jieŋa alde dálvet lea almmolaš doaibma Finnmárkkus. Heive sihke ollesolbmuide ja mánáide. Mii sáhttit bargat dan ovttas ja okto. Rudni lea dego Netflix, jus oainnát stuora guoli mii manná meattá, dalle lea buorre dovdu gorudis, ja jus muhtin jearrá oidno go guolli, de ii leat sihkkar mun vástidan dan.
Finnmárkkuopmodat lea veaháš du ja veaháš mu.
Jahkásaččat addá sáivaguolásteapmi duháhiid borramiid Finnmárkkus. Dat leat min ruohttasat ja árbi. Mátki jávrris beavdái addá eallinmovtta midjiide geat liikot bivdit. Finnmárkkuopmodat lea veaháš du ja veaháš mu. Sii geat eai ása Finnmárkkus ožžot maid bivdit jus ostet bivdokoartta. Muhto finnmárkulaččain lea ovdamunni luondduresurssaide, erenoamážit jus lea vánisvuohta. Sáivaguolásteapmi jieŋa alde gáibida sávrodaga ja gierdevašvuođa. Leat buorit vejolašvuođat oažžut váikko makkár guliid. Go orut Finnmárkkus don oamastat Finnmárkku ja dus lea vejolašvuohta bivdit. Geavat dan!
