Sáhttet go skuvllat eastadit nuoraid heaitimis valáštallat? Dan oaivvilda Finnmárkku valáštallanbiire.
Sáhttet go skuvllat eastadit nuoraid heaitimis valáštallat? Dan oaivvilda Finnmárkku valáštallanbiire.
Norsk idrett joatká iežas áŋgiruššama nuoraiguin.
Sii barget dan nammii ahte nuorat galget joatkit valáštallamiin, ja dan oktavuođas hástalit ge skuvllaid searvat ovttasbargui.
Olu nuorat bággejuvvojit heaitit valáštallamiin iežaset ruovttubáikkis go fárrejit skuvllaid vázzit. Dasa áigu Finnmárkku valáštallanbiire gávdnat čovdosa.
Ođđa jávkannjuolggadus hehtte sin geat duođas valáštallet
– Skuvllat sáhttet earret eará gulaskuddat lea go ohppiin beroštupmi hárjehallat valáštallansearvvis dahje joavkkuin ođđa báikkis. Dan oktavuođas hástalit mii skuvllaid, valáštallanjoavkkuid ja valáštallanráđi searvat ovttasbargui, lohká Finnmárkku valáštallanbiire.
Maŋmus áiggi lea beaggán dat ođđa jávkanrádji, ja makkár váikkuhusaid dat buktá.
Valáštallanbiire lea ožžon ruovttoluotta dieđuid ahte dát hehtte sin geat váldet valáštallama hui duođalažžan.
– Olu valáštallit eai leat sáhttán searvat hárjehallančoakkalmasaide go ballet ahte eai oažžo árvosáni.
Ovttasráđiid čovdosa gávdnat
Valáštallanbiire árvvoštallá ahte dat ii leat juoga man skuvllat dahket iešmielaid, ja doivot dasa sáhttit gávdnat čovdosa.
– Sávvat ahte skuvllat ja valáštallanjoavkkut sáhttet šiehttat ahte oahppit ožžot ruovttubarggu dán beaivvi, vai ožžot vejolašvuođa vuolgit hárjehallančoakkalmasaide. Seammás sávvat ahte valáštallan sáhttá heivehit dákkáriid ohppiide.
