Piteå Summer Games spábbačiekčangilvu lágiduvvui guoktelogičihččet geardde, Biŧomis Ruoŧas.
Piteå Summer Games spábbačiekčangilvu lágiduvvui guoktelogičihččet geardde, Biŧomis Ruoŧas.
Biŧomis lágiduvvui ‹‹Piteå Summer Games›› nammasaš spábbačiekčangilvvut vahkkoloahpas, ja FA Sápmi searvvai guvttiin joavkkuin.
FA Sápmi nieiddat 16 ja bártnit 16 joavkkut serve Piteå Summer Games čiekčamiidda, ja sii leat birgehallan bures čiekčamiin.
Čiekčanbohtosat eai dehálepmosat
Ole Isak Mienna ja Jonas Kurak leigga bártniid jođiheaddjit, ja Mienna lohká sii leat duhtavaččat go ollejedje nu guhkás čiekčamiin go dahke.
– Sihke bártniin ja nieiddain ledje hui nuorra joavkkut, ja liikká birgehalle goappaš joavkkut bures, muitala Mienna.
(Ášši joatká gova vuolde)
Govven: Alice Balto
– Somá oaidnit
Bártnit vuite golbma čiekčama ja vuoittáhalle golbma čiekčama, muhto ii lean dat mii lei buoremus boađus Mienna mielas.
– Buot somámus lei oaidnit ahte bártnit eai báljo dovdan nubbi nuppi go deaivvadedje bearjadaga, muhto sotnabeaivve ovdal vulge iešguđet guvlui, de lonohalle mobiilanummariid ja sosiála mediaid geavaheaddjenamaid. Dat lea mu mielas buot somámus oaidnit, go nie buorit olbmážagat šadde, dadjá Mienna.
Sin joavku bođii gávccátoassefinálii, ja das časkkahalle eret čiekčamiin.
Birgehallan bures
FA Sápmi nieiddat bohte viđát sadjái ja ledje 17 joavkku sin luohkás mielde, sii leat birgehallan bures čiekčamiin ja časkkahalle njealjádasfinálas.
Mii eat lihkostuvvon oažžut ságaide nieidajoavkku jođiheddjiid.
