Njealje olbmo leamaš biilalihkohisvuođas gaskkal Hámmárfeastta ja Lávččeluovtta.
Njealje olbmo leat dolvojuvvon buoccivissui go leat beaškkehan biillaiguin oktii riikkageainnu 94 alde gaskkal Hámmárfeastta ja Lávččeluovtta sotnabeaivve eahket.
Buot njiellis leat dolvojuvvon buohccivissui Hámmárfestii, maŋŋel beaškkeheami 22:30 áigge sotnabeaivve eahket. Sivvan beaškkeheapmái galgá leat heajos siivu ja okta dain biillain vujii boastu bealde geainnu.
— Ledje golbma olbmo dan ovtta biillas, dievdu, nissonolmmoš ja okta nuorra nieida. Dan nuppi biillas lei okta olmmoš. Buohkat ledje dieđus go ambulánsa bođii, muitala Finnmárkku politiijaguovddáža Gunnar Øvergård NTB:i.
Maŋŋel dárkkistemiid beasai okta ruoktot buohcciviesus, ja earát leat áin buohcciviesus. Dilálašvuohta lea eahpesihkar.
