Nisu ja logijahkásaš sáddejuvvuiga buohccevissui go biillat vudje oktii Reaššvuonas.
Reaššvuonas beaškkehedje guokte biilla oktii sotnabeaivvi eahket, čállet Finnmárkku politiijat. Sii ožžo dieđu ovdalaš diibmu 18. Altaposten čállá ahte go hupme politiijaiguin diibmu 18:09, de lei buollinčáskadanveahka sajis, ja sii buohkaid veahkehedje olggos biillas.
Olbmot geat bohte lihkohisvuođabáikái dat ledje čuojahan heahtenummarii.
Buohccevissui
Ledje njeallje olbmo biillas, ja buohkat sáddejuvvojedje ambulánssa mielde, čállet politiijat Twitteris. Altapostena dieđuid mielde ii lean oktage bahuid roasmmehuvvan, muhto nisu ja logijahkásaš nieiddaš sáddejuvvuiga buohccevissui iskamii.
Hámmárfeastta buohcceviesus muitalit mánnodat iđida ahte dat guovttos leaba leamaš geahču vuolde, ja manná bures sudnuin. Politiijat leat dutkame lihkohisvuođa ja gažadeame vihtaniid.
