Hámmárfeasttas lea mannan ija suoláduvvon Mercedes-Benz biila.
Hámmárfeasttas lea mannan ija suoláduvvon Mercedes-Benz biila.
Oarje-Finnmárkku politiijaguovllus muitalit ahte lávvardaga čuovganeapmái lea muhtin biila suoláduvvon Hámmárfeastta gávpogis.
– Čáhppes Mercedes-Benz C180 lea suoláduvvon, biilla šiltanummir lea AA 50944. Mii ávžžuhat olbmuid riŋget politiijaide jus oidnet biilla, čállet politiijat Twitteris.
Boazu vudjon
Lávvardaga iđitbeaivvi vudjui boazu Lákkovuonbađas. Oarje-Finnmárkku politiijat lohket iežaset dieđihit dán boazodoallái gii eaiggáduššá bohcco.
Suhkanfanas fávllis
Muđui dieđihit Oarje-Finnmárkku politiijat ahte gádjunfanas «Odin» fertii geasehit muhtin suhkanfatnasa Ávanuori káijii.
Dolvo juhkan olbmo ruoktot
Mannan ija šadde Álttá politiijat doalvut muhtin gárrenolbmo ruoktot, son lei láhtten fasttit muhtin olgobáikkis.
