Buollin lea čáskaduvvon.
Kárášjogas buollái biila mánnodaga ovdalgaskabeaivvi.
Politiijat ja buollinčáskadeaddjit leat báikkis.
– Ii galgga okta ge roasmmehuvvan, čállá Finnmárkku politiijaguovlu Twitteris.
Čáskadan buollima
Politiijat čálle álggos ahte biila lei oalát buollán, muhto ii leat várra ahte buollin viidána.
Ávvira reportár báikkis dieđiha ahte buollin lea márkanis. Báikkis lei johtolat bissehuvvon, muhto rahppui fas gaskbeaivve áigge.
Buollin lea čáskaduvvon, dieđiha Ávvira reportár. Seamma čállet maid politiijat Twitteris.
– Mii oaččuimet dieđu biillabuollima birra. Buolli biila čuoččui lahka stobu ja livčče sáhttán buollahit dálu. Dollačáskadeaddjit jáddadedje buollima hui jođánit. Eai lean olbmot biillas, eaige dálus, lohká Kárášjoga Leansmánnekantuvrra politiijajođiheaddji Anders Solheim.
– Eat mii dieđe manin biila buollái. Dan fertet mii dutkat. Mii leat aiddo boahtán deike.
– Lea veaháš suovva dálus. Dál lea dollačaskadeaddjit biggoheamen viesu.
Muitala ahte viessoeaiggát ja biilaeaiggát leaba ožžon dieđu.
