Odne lei Oslo sámi mánáide stuora beaivi, go besse lávlut dronnet Sonjai ja ruvdnoprinsii Haakon Magnusii.
Sámi álbmotbeaivvi álggahedje levgemin olggobeale ráđđeviesu Oslos.
Maŋŋel levgema bođii ge Dronnet fárrolaga Ruvdnoprinssain.
Vuostáiváldinsártni doalai sátnejođiheaddji Marianne Borgen.
Dasto maŋŋel guoimmuhii Ánde Somby luđiin «Joik til Oslo» ja Cizáš sámi mánáidgárddi mánát ja sámi oahpahusa Kampen skuvlla oahppit.
Ávvir čuovvu doaluid odne ja mii buktit eambbo ságaid Oslo-ávvudemiin.
Govven: Terje Pedersen/NTB Scanpix
