Dál beasat juo ráhkkanišgoahtit jus Kárášjohkii leat meinen beassážiid.
Buorre oassi Kárášjoga beassášprográmmas lea dál juo gárvanišgoahtan. Dáid beivviid leat almmuhan makkár artisttat sin gilis čuojahit.
Stuora beakkálmasat unna gilážii
Skilleduorastaga álget feastat. Dalle bohtet stuora Norgga beakkálmasat dan unna gilážii. Plumbo ja Staysman & Lazz lávkejit lávddi ala ja galget geahččalit ráhkadit eallima.
Báikkalaš čendisat
Guhkesbearjadaga ja beassášlávvordaga gal leat Kárášjoga iežaset báikkalaš čendisat mat galget guoimmuhit. Guhkesbearjadaga leat lávddi alde Johan Anders Bæhr ja Dronefolk – Transjoik.
Beassášlávvordaga šaddá fas veahá eambbo nuoraidmusihkka, go Felgen Orkester, Rolffa feat GM ja Intrigue čuojahit.
