Mannan vahkkoloahpa bohte olles 20 váidaga mopedarieja birra.
Álttás leat guhkit áiggi bártidan mopedariejain ijaid. Dál čájehuvvo ahte ii leat vel buorrqnan.
– Váhnemat fertejit álgit gozihit mánáideaset. In leat vásihan dákkáriid dan 16 jagis go politiijan lean bargan, dadjá Steinar Aas Andersen Álttá leansmánnekantuvrras, Altapostenii.
Suorggahahtti
Mannan vahkkoloahpa bohte olles 20 váidaga mopedarieja birra. Dalle mearridedje politiijat akšuneret. Boađus das lei ahte ovtta politiija biilajuvlii lei čuggejuvvon ráigi. Dat suorggaha politiijaid.
Šilttaid haga
Politiijaide lea váttis fáhtet mopedavuddjiid, go sii vudjet šilttaid haga. Danne ávžžuhit politiijat dál váhnemiid gozihit iežaset mánáid, ja iskkat sin vuojániid, go dál lea sáhka vuolleahkásaš mánáid birra geat vurjet olbmuid ijaid.
Altaposten čálii dán ovddemus.
