Buollinčáskadeaddjit hehtteme buollima leavvamis eará barttaide.
Juvravuonas Unjárggas lea barta buollán duorastaga maŋŋelgaskabeaivvi, dieđihit Finnmárkku politiijat Twitteris.
Sihke politiijat ja buollinčáskadeaddjit leat báikkis, ja barta lea jo oalát buollán. Buollinčáskadeaddjit leat jáddadeame dola, ja hehttet ahte buollin leavvá viidáset eará barttaide mat leat lahkosis.
Politiijat dieđihit ahte sii leat ožžon bartaeaiggáda ságaide, ja ožžon duođaštuvvot ahte ii galgga leamaš okta ge barttas go dat buollái, dieđihit Finnmárkku politiijat.
