Politiijat leat dutkame vejolaš cahkkehemiid, guovtti barttas Gáivuonas, Romssas.
Dáhpáhusat galget dáhpáhuvvan maŋemuš vahkkuid. Mannan bearjadaga čuovganeapmái bulii okta barta gutnan Birtaváris. Dan čállá Nordlys.
Unnit go guovtti vahkku áigi bulii okta eará barta maid gutnan, dat gulai ovtta valaštallanjovkui.
Buollimat leat dagahan balu ahte lea pyromana Gáivuonas. Birtaváris leat vásihan erenoamaš olu bartabuollimiid maŋemuš jagiid.
Moatti jagis bulle guhtta bartta ja okta viessu. Dat lei 2012:s. 2013:s bulii nu gohčoduvvon Paulan-barta njealját háve.
– Buollimat leat nu maŋŋalaga, ja mii jáhkkit dain leat čanastagat. Dat čielggaduvvo go leat čađahan dutkamiid, lohká Lyngen lensmannikantuvrra Ingvild Koht Furnes.
Son bivdá buohkaid dieđihit, geat leat leamaš dan guovtti buollintomta lahka. (©NTB)
