Smáhkkoboaldinrusttet addá lieggasa ja lieggačázi Mátta-Várjjaga Garnisona bargiide, soalddáhiidda ja befálaide.
Smáhkkoboaldinrusttet addá lieggasa ja lieggačázi Mátta-Várjjaga Garnisona bargiide, soalddáhiidda ja befálaide.
Maŋŋil go muorramáttaheapmi Báhčaveajis lea leamaš bissehuvvon moadde mánu, lea FeFo dál ođastan muorramáttahanšiehtadusa fitnodagain Pasvik Biovarme AS. Smáhkkoboaldinrusttet addá lieggasa ja lieggačázi Mátta-Várjjaga Garnisona bargiide, soalddáhiidda ja befálaide. Norsk Biobrensel AS válddii ođđajagemánus badjelasas šiehtadusa háhkat smáhku fitnodaga Bio Energy AS Mátta-Várjjaga Garnisona smáhkkoboaldinrusttegii.
Válljen Báhčaveaji
FeFo deaivvadii gieskat fitnodagaiguin Bio Energy AS ja Norsk Biobrensel ođđa ásahuvvon dimbbarterminálas Høybuktmoenis Girkonjárggas, vuostái váldit Norsk Biobrensel rusttegiid. Smáhkut galget mannat Mátta-Várjjaga Garnisona boaldinrusttegii. Bio Energy AS, mii ođđajagemánus dagai šiehtadusa Sørlándda fitnodagain Norsk Biobrensel AS, mii doallá smáhkuid liggenguovddážii, eaiggáduššá GSV liggenguovddáža. Fitnodaga Norsk Biobrensel AS Ole Kristian Hodnemyr válljii geavahit Báhčaveaji muoraid ávnnasin.
Guđa olbmui bargu
– Guhkes áiggi háhkanšiehtadusat sihkkarastet vuovdebargiid, fievrrededdjiid ja terminálabargiid doaimma sihke Kárášjogas ja Girkonjárggas. Oktiibuot guhtta olbmo leat barggus ovddosguvlui, juoga mii illudahttá min FeFos hirbmosit, dadjá Jan Olli, FeFo direktevra.
Dan dieđiha Finnmárkkuopmodat preassadieđáhusa bokte.