– Ávžžuhan buohkaid, geat dorjot min oappáid, vieljaid ja verddiid Standing Rockas, searvat miellačájáhussii DnB-viesus Bjørvikas, muitala ođđa Noereh jođiheaddji.
– Ávžžuhan buohkaid, geat dorjot min oappáid, vieljaid ja verddiid Standing Rockas, searvat miellačájáhussii DnB-viesus Bjørvikas, muitala ođđa Noereh jođiheaddji.
Njukčamánu 9. – 12. beaivvi doalai Noereh riikačoahkkima Vassfjellkapeallas Klæbu gielddas Tråante olggobealde. Vahkkoloahpas leat oasseváldit beassan vásihit sosiála media bargobáji, lullisámekurssa ja konseartta Marja Helena Fjellheim Mortensonain ja Daniel Herskedalain.
Dehálaš deaivvadit
64 sámi nuora miehtá Norgga čoahkkanedje riikačoahkkimii. Ođđa jođiheaddji, Dávvet Bruun-Solbakk (21), lea hui duhtavaš vahkkoloahpain.
– Lea hirbmat dehálaš ahte mii sámi nuorat beassat deaivvadit ja oahpásmuvvat dáinna vugiin, dadjá Bruun-Solbakk.
Noereh searvvi ođđa stivra. Govven: Noereh.
Ođđa stivrras leat Dávvet Bruun-Solbakk (21) jođiheaddji, 1.nubbijođiheaddji, Alice Marie Johansen (27) 2. nubbijođiheaddji Anne Henriette Hætta Reinås (23) ja Isalill Kolpus (26), Lasse Bjørn (20), Maidi Kappfjell Åhren (17), Ellinor Skartland (14) stivrralahtut. Maja Olsen (18), Camilla Mariell Olufsen (26) ja Aslak Heika Hætta Bjørn (24) leat várrelahtut.
Áŋgiruššat sisabahkkenáššiin
Čoahkkimis lea Noereh maid mearridan politihkalaš višuvnna ovddasguvlui.
– Sisabahkkemat sámi guovlluide gusket olles Sápmái ja áigut áŋgiruššat dáin áššiin dán jagi, muitala Bruun-Solbakk.
Lávvardaga cahkkehedje dola čájehit doarjaga oljokeahtes Lofuohta, Viestterállasa ja Sáččá lihkadussii.
– Noerehs lea stuorra váikkuhanvejolašvuohta ja áigut dan geavahit ávkin ovddasguvlui, dadjá Bruun-Solbakk.
Noereh searvvi ođđa jođiheaddji, Dávvet Bruun Solbakk. Preassagovva: Noereh.
Miellačájáhus Oslos
Vuossárgga álget jo ođđa stivrra doaimmat.
Noereh lágida jávohis miellačájeheami DnB kantuvrrain Oslos go DnB mearridii šluhttet plánejuvvon čoahkkima Noerehiin ja Sámedikkiin.
Dán čoahkkimis galge digaštallat DnB rolla North Dakota Access Pipeline ektui.
– Ávžžuhan buohkaid, geat dorjot min oappáid, vieljaid ja verddiid Standing Rockas, searvat miellačájáhussii DnB-viesus, Bjørvikas dii. 13, muitala Bruun-Solbakk
