-Almmuhus-
-Almmuhus-
OĐĐASATÁvvir rahpá neahtta­­siiddu buohkaide

Ávvir rahpá neahtta­­siiddu buohkaide

-

-

Gaskal borgemánu 22. beaivvi ja 24. beaivvi molsu Ávvir abonnemeantavuogádaga ja rahpá neahttasiiddu buohkaide.

Vai geavaheaddjit eai galgga mearkkašit vuogádatmolsuma dahje vásihit váttisvuođaid dan oktavuođas, de Ávvir rahpá neahttasiiddu. Dat mearkkaša ahte dan áigodagas besset buohkat lohkat áššiid ja guldalit podcastaid nuvttá.

Lohkkit eai dáidde vávjit erohusa Ávvira neahttasiiddus, muhto fertejit molsut čoavddasáni go neahttasiidu fas gidde, borgemánu 24. beaivvi. Movt dan dahká lea bures čilgejuvvon neahttasiiddus, muhto diŋgojeaddjit ožžot maid e-paostta ja SMS mas lea liŋka siidui gos sáhttet molsut.

– Mii sávvat ahte lohkkit váldet oktavuođa nu johtilit go vejolaš jus leat sivat neahttasiiddus maŋŋá borgemánu 24. beaivvi.

-Almmuhus-