Čuovvovaš vahkku beasat Ávvira báberaviissas lohkat áššiid main lea fáddán veahkaválddi birra Finnmárkku boazodoalus.
Čuovvovaš vahkku beasat Ávvira báberaviissas lohkat áššiid main lea fáddán veahkaválddi birra Finnmárkku boazodoalus.
Mannan čavčča bođii «Boazodoalu árgabeaivvi» oasseraporta, mas boahtá ovdan ahte leat boazodoallit geat vásihit veahkaválddálašvuođa, nihttimiid ja boazosuoládemiid iežaset árgabeaivvis. Ávvir lea geahččalan gávdnat historjjáid loguid duohken, ja ovdanbuktit daid.
Jearahallan boazodolliid
Journalista gii bargá áššiiguin, Nils Johan Vars, muitala son lea jearahallan muhtun boazodolliid geat muitalit garra birrasa birra, gos nihttimat, doarrumat ja boazosuoládeamit leat dábálaččat.
– Ii okta ge leat háliidan almmolaččat muitalit, ja leat oallugat geat eai oba hálitge muitalit vásáhusaideaset. Oallugat eai leat háliidan searvat jearahallamiidda, eai nama hagage, go eai hálit ahte galget boahtit albmosii dieđut, muhtimat ges ballet šaddat vearrat dillin ja muhtumat ahte earát galget árvidit geat sii leat.
Earuhit áššiid
Ráiddus lea Vars jearahallan sihke boazodolliid, boazopolitiijaid ja fágabargiid.
– Leat ožžon boazopolitiijain loguid man ollu áššit, main lea gullevašvuohta boazodollui, váidojuvvojit. Ii leat nu guhkes áigi go boazopolitiijat leat álgán earuhit váidagiid mat gullet boazodollui eará áššiin, lohká Vars.
