-Almmuhus-
-Almmuhus-
OĐĐASATÁššáskuhtton goddán olbmo

Áššáskuhtton goddán olbmo

-

-

Disdaga diibmu 17.30 vujii biila doarrás bávtti njeaiga Áhkánjárggas, ja go heahteveahkit jovde báikái de gávdne guokte garrasit roasmmehuvvon dievddu, čukkohallon niibbiin. Nubbi dolvojuvvui girdiin buhcciidvissui ja nubbi jámi báikái.

Politiijat ožžo dieđuid ahte várohuvvon vearredahkki, goalmmátlot-jahkásaš dievdu, lei báhtaran báikkis suoláduvvon biillain.

Stuora bolesveahka ozai dievddu ja diibmu 21.00 dieđihii son ieš iežas politiijaide.

 

Dievdu lea áššáskuhtton go galgá leat niibbiin čuggen dan guokte dievddu.

Gaskavahkku čuovganeapmái leat politiijat gažadan dievddu, muhto Romssa politiijaguovllu operašuvdnajođiheaddji Karl Erik Thomassen lohká NRK:ii ahte eai vuos áiggo dadjat maidege mii das lea boahtán ovdán.

 

Iskan báikki

Politiijateknihkkarat leat gaskavahku čuovganeapmái iskan báikki gos dáhpáhus lea geavvan.

Buot golmmas áššis leat dievddut goalmmátlot-jahkásaččat ja leat eret Áhkkánjárgga guovllus, dieđihii Norlándda politiijaguovllu politiijainspektevra Steffen Ravnåsen disdat eahket.

– Gitta váldojuvvon dievdu lea áššáskuhtton go lea nuppi hávváduhttán nu ahte jámi maŋŋel ja nuppi fas hávváduhttán, lohká Ravnåsen.

 

Dat dievdu guhte cevzzii, lei disdat eahket stáđismeahttun ja eahpečielggas dilis.

 

-Almmuhus-