-Almmuhus-
-Almmuhus-
OĐĐASAT Arne fárre bearrašiin fas davás

Arne fárre bearrašiin fas davás

-

-

Arne Reginiussen lea jagi jođihan Nidaros aviissa, ja lohká iežas gearggusin fas dollet davás bearrašiin.

Nidaros media ođđa jođiheaddji lea virgáduvvon, ja lea Vanja S. Holst gii joatká Arne Reginiussena maŋis juovlamánu 1. beaivvi rájes. Reginiussen fárre fas Áltái, ja čohkkeda fas iFinnmark redaktevrastullui jođihit dan golbma Amedia aviissa Finnmárkkus.

– Lea leamaš earenoamáš mátki diimmá álggaheami rájes. Mii leat fargga olahan 10 000 diŋgojeaddji, ja leat njulgen aviisasisaboađu 9 miljovnna ruvnno guvlui 2020:s.  Dat leat logut maid eat leat duostan niegadit ge go álggaheimmet diibmá, lohká son.

Sii leat bures loaktán Tråantes orrut, muhto dán čavčča leaba riggon mánáin ja leat gergosat fárret fas davás bearraša ja fulkkiid lusa.

- Advertisement -
-Almmuhus-