Ollu studeanttat leat Sámi allaskuvllas dáid beivviid go ohppet eanet biologalaš valljodaga birra sirkumpolára álgoálbmotperspektiivvas.
Ollu studeanttat leat Sámi allaskuvllas dáid beivviid go ohppet eanet biologalaš valljodaga birra sirkumpolára álgoálbmotperspektiivvas.
Oktiibuot 36 álgoálbmotstudeantta Mongolias, Ruošša Sibirjás, Suomas, Ruoŧas ja Norggas eret galget dáid vahkkuid leat studeantan Sámi allaskuvllas Guovdageainnus.
Árktalaš ráđi prošeakta Nomadic Herders, man International Centre for Reindeer Husbandry jođiha ovttas Árktalaš universitehtain, ja sii leat oččodan studeanttaid Sámi allaskuvlii, gos mihttu lea ahtanuššat suvdinnávcca boazodolliid ekosystemas ja eallinvuogádagas.
Árktalaš eallinvuohki
Boazodoallu lea eallinvuohkin badjel 24 álgoálbmogiin árktalaš guovlluin ja Sub-arktalaš guovlluin. Leat badjel 100 000 boazodoalli, ja birrasii 2 500 000 bohcco.
Norga, Mongolia ja Ruošša leat dohkkehan ON-konvenšuvnna biologalaš valljodaga ja artihkkala j8 mii sihkkarastá ollislaš ja beaktilis oassálastima álgoálbmogiid bealis, servvodaga biologalaš valljivuođa hálddašeami, eanangeavaheami, suddjejuvvon guovlluid ja álgoálbmogiid árbevirolaš máhtu.
Oahppu maid studeanttat dál čađahit, lea sierralaš ja erenomaš fálaldat. Árktalaš álgoálbmogiid biebmokultuvrra biologalaš valljivuođa vuođul lea guovddážis oahpus.
