– Arctic Race of Norway čađahuvvo Finnmárkkus boahtte geasi, almmuhedje lágideaddjit mánnodaga preassakonferánssas Oslos.
Finnmárkku sátnejođiheaddjit suohkaniin maidda gusket sihkkelgilvvut ledje čoahkkanan preassakonferánsii Osloi gos almmuhedje guđe báikkiid meattá sihkkelgilvvut mannet.
Gilvvut álget Čáhcesullos borgemánu 16. beaivvi ja loahpahuvvojit Álttás borgemánu 19. beaivvi.
Sihkkelgilvvut njealji oasis borgemánu 16. beaivvis 19. beaivái:
1: Čáhcesuolu – Girkonjárga, 190,5 km.
2: Deatnu – Gilivuotna, 195 km.
3: Honnesváhki – Hámmárfeasta, 201 km.
4: Fálesnuorri – Áltá, 145,5 km.
