-Almmuhus-
-Almmuhus-
GUOLLELIHKU Áŋgir­uššet oažžut olbmuid bargui

Áŋgir­uššet oažžut olbmuid bargui

-

-

Ráđđehus árvala bidjat 825 miljovnna ruvnno barggahusdoaimmaide.

Preassadieđáhusas dieđiha Bargo- ja sosiáladepartemeanta ahte árvalit bidjat 825 miljovnna ruvnno barggahusdoaimmaide njulgejuvvon olbmuide geat leat barggu haga. Dat addá sullii 7000 eanet doaibmasaji, ja nannejumi nuoraidáŋgiruššamii ja searvadahttinolbmogássii.

– Ráđđehus áigu láhčit vai sili nu oallugat go vejolaš searvadahttojuvvojit bargoeallimii. Lea mávssolaš olbmuide go lea bargu masa mannet. Nanaguoddevaš servodahkii lea dehálaš ahte nu oallugat go vejolaš barget, dadjá bargo- ja ealáhusministtar Henrik Asheim preassadieđáhusas.

Alla bargguhisvuohta

Ráđđehus ákkastallá ahte eanet doaibmasajit lea mearrediđolaš doaibmabidju searvadahttit eanet olbmuid bargoeallimii, eastadan dihte ahte bargguhisvuohta darvána alla dássái. NAV loguid mielde lei čakčamánus 6,9 proseantta bargguhisvuohta Norggas.

– Bures heivehallan barggahusdoaimmat čájehit buriid bohtosiid rasttildit bargoeallimii. Lea earenoamáš dehálaš ahte nu eatnasat go vejolaš ožžot dárbbašlaš doarjaga ja veahki beassat jođánit fas bargui, dál go bargguhisvuohta lea nu allat, dadjá Asheim.

- Advertisement -
-Almmuhus-