Namma: Silje Somby
Ahki: 20
Guovlu: Guovdageaidnu
1. Mii lea mánu latiinnalaš namma?
– Mánu namma, smiehtada Somby. Ferte leat Luna? Riekta!
2. Mii lea Spania oaivegávpoga namma?
– Spania oaivegávpot lea Madrid. Amma lei riekta? Riekta!
3. Galle Oscara vuittii filbma «Titanic»?
– Mun in leat gal geahččan «Titanic», muhto orun gullan dat oaččui máŋga Oscara. Mun árvidan 12. Boastut!
Rievttes vástádus: 11
Go Somby ii vástidan riekta buot golbma vuosttaš gažaldaga, de son ii mannan viidáseappot gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta, de oažžu 15 čuoggá, alit árvalusas faske 10 čuoggá ja ruonás 5 čuoggá.
Somby vállje rukses ivnni, ja mii jearrat sus dán árvalusa:
Jus don árvidat makkár sáni mun jurddašan, de don árvidat boastut. Jus árvidat boastut, de leat árvidan riekta. Makkár sáni birra mun jurddašan?
– Mun in duohta dieđe. Die gal lei váttes árvádus. Boastut!
Rievttes vástádus: Boastut.
Galle čuoggá oktiibuot: 2 čuoggá.
Juohke gilvaleaddji beassá hástalit ođđa gilvaleaddji Ávvira geassegilvui. Somby háliida hástalit Elle Mari Dunfjell Oskal searvat Ávvira geassegilvui.
