UiT Norgga árktalaš universitehtas Álttás álgá Sámi álbmotbeaivvi čalmmusteapmi diibmu guoktenuppelogis kulturovdánbuktimiin Lávre Johan Eira bokte.
Sihke Sámi allaskuvlla rektor Laila Susanne Vars ja UiT rektor Anne Husebekk doallaba sártni.
Ovtta rájes álgá rabas seminára, gos ovdanbuktet masterbargguid maid UiT studeanttat lea dahkan, ja main lea sámi fáddá. Ulla Pirttajärvi-Länsman rahpá seminára, ovdal Mona Hvidsted Bjørnestad ovdanbuktá barggus «Sámi mánáidsuodjalus organisašuvdnateorehtalaš geahččanguovllus». Odd Inge Sandberg fas ovdanbuktá barggus «Identitehtamohkkasaddan sámi spábbačiekčamis. Kvalitatiivvalaš dutkkus sámi iešáddejumis sámi valáštallamis».
Guovtti áigge čájehuvvo čájálmas «Gákti ja Bákti» Álttá kultursálas, maid Gorravári skuvlla sámegielluohká oahppit čájehit.
