Albmás lea giehta hávváduvvon hávlabissu lihkohisvuođas.
– Albmás leat hávit gieđas ja gardnjila birra. Dieđihuvvui ahte son varddii olu, dadjá Finnmárkku politiijaguovllu operašuvdnajođiheaddji Gunnar Øvergård NTB:i.
Politiijat ožžo dieđu lihkohisvuođa birra Beasfierdda gilážis, Láhpi gielddas Finnmárkkus, diibmu 08.55 duorastatiđida.
Øvergård ii dieđe man duođalaččat almmái lea roasmmehuvvan. Doavtterhelikopter lea báikkis ja dikšot albmá. Eará heahtebálvalusat leat jođus.
Operašuvdnajođiheaddji dieđuid mielde galgá hávlabissu bávkkihan, muhto ii leat vuos čielggas mo lihkohisvuohta dáhpáhuvai.
Ii leat ge čielggas ledje go earát das go hávlabissuin báhččui.
– Lihkohisvuođa dieđihii olmmoš gii bođii báikái, dadjá Øvergård.
(©NTB)
