Maŋŋebárga eahkedis galgá muhtin almmái leat fallehan nuppi albmá niibbiin Guovdageainnus.
Maŋŋebárga eahkedis galgá muhtin almmái leat fallehan nuppi albmá niibbiin Guovdageainnus.
Politiijat ohcagohte albmá vearjjuiguin maŋŋel go gillájeaddji lei ieš dieđihan politiijaide.
Goappašat albmát leat guovllus eret.
Váldui iđđesija
Operašuvdnajođiheaddji Svein Erik Jakobsen lohká iFinnmark aviisii ahte sii ožžo dieđu dáhpáhusa birra diibmu 22:24.
– Gaskavahku iđitija diibmu 04:20 galgá almmái leat váldon gitta ja fievrriduvvon Áltái, iige almmái vuosttildan ja gittaváldin lei dramatihka haga, dieđihii Torfinn Halvari iFinnmarkui.
Ii lean garrasit roasmmehuvvan
Gillájeaddji lea dolvojuvvon doavtterdikšumii Guovdageainnu dearvvašvuođaguovddážii, muitalii Jakobsen iFinnmarkui diibmu 00:17.
Almmái ii leat garrasit roasmmohuvvan, ja ii lean eará go árpašuvvan maŋŋel go lei fallehuvvon niibbiin.
Son oaččui divššu doaktáris ja beasai dan maŋŋá ruoktot.
Eambbo dieđut maŋŋágaskabeaivvi
– Politiijat leat dutkamin ášši ja dat sáhttá ádjánit, maŋŋágaskabeaivvi diehtit mii eambbo áššis, muitala operašuvdnajođiheaddji Torfinn Halvari Ávvirii.
Son ii loga diehtit lea go earát oaidnán mii geavai dahje gávdnojit go vihtanat dáhpáhussii.