Namma: Mikkel Andreas Eira
Ahki: 35
Guovlu: Guovdageaidnu
Bargu: Boazodoalli
1. Goas vuođđuduvvui Suoma Sámediggi?
– Dan gal in dieđe. Boastut!
Rievttes vástádus: 1996
2. Joatkke lávlaga: «Guhkkin davvin Dávggáid vuolde…»
– Mun gal dál in muitte,
dađi bahábut. Boastut!
Rievttes vástádus: «…Sabmá suolggaid Sámieanan.»
– Nie dat leige. In mun dál ožžon daid sániid, boagusta Eira.
3. Gii čálii Sámi soga lávlaga?
– Dan gal dađi bahábut inge dieđe
sihkkarit. Gullan gal lean várra,
muhto in mun gal dieđe. Boastut!
Rievttes vástádus: Isak Saba
Go Eira ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.
Eira vállje ruoná ivnni ja mii jearrat sus dán árvalusa:
Gii lea dat gii álo vuojiha eret iežas kundariid?
– In mun gal dieđe,
almma hal dat lea čuoika. Boastut!
Rievttes vástádus: Taxi-vuoddji
Galle čuoggá oktiibuot: 0 čuoggá
Juohke gilvaleaddji beassá hástalit ođđa gilvaleaddji Ávvira geassegilvui. Johan Ivvár Gaup lea hástán Mikkel Andreas Eira, ja son fas hástala Joar Eira Rasdal searvat gilvui.
