Norgga Bivdiid- ja Guolásteddjiidlihttu lea dán jagi lihkostuvvan sin álgobivdima áŋgiruššamiin. Álttás galgá leat rieban álgobivdiinkursa, ja Čahcesullos leat vihtta álgobivdinkursa.
Dán vahku álggahuvvojit badjelaš 200 álgobivddu miehtá Norgga, ja dán dáfus bovde Norgga Bivdiid- ja Guolásteddjiidlihttu (NJFF) ja sin báikkálaš joavkkut bivdiid searvat álgobivdduide.
Álgobivdu lea fálaldat ođđa bivdiide ja hárjánan bivdiide geat háliidit ođđa bivdovugiid geahččalit.
Ođđa bivdobagadallan
Bivdinmátkkis oahppá bivdima birra ja ođđa bivdinvugiid buriid eanadagain, ja bivdinmátkkis leat hárjánan bagadallit mielde.
– Galgá leat buorre ja oadjebas bivdobagadallan, mii illuda ođđa bivdiid, ja lea maid buorre vejolašvuohta hárjánan bivdiide geahččalit ođđa bivdinvugiid. Jus leat olu bivdán rievssahiid, de soaitá leat dál áigi geahččalit bivdit eará elliid, nu go sarvaid, muitala Norgga Bivdiid- ja Guolásteddjiidlihtu álgobivddu prošeaktajođiheaddji Henning Ottarsud.
Bivdogeahččaleamis áŋgiris bivdiin
NJFF álgobivdimiid ulbmil lea oažžut sin geat leat čađahan bivdogeahččaleami šaddat áŋgiris bivdin. Sullii 13 000 olbmo čađahit bivdogeahččaleami jahkásaččat, muhto dušše bealli sis álget bivdit.
Álgobivdimiid čađahit Norgga Bivdiid- ja Guolásteddjiidlihtu báikkálaš searvvit. Dá leat bivdinmátkkit maidda besset buot ahkásaš bivdit searvat, vaikke makkár bivdindásis leažžá.
Bivnnuhis álgobivdinkurssat
Vuosttaš álgobivddut álget borgemánu 10. beaivvi, ja bivdiid beroštupmi searvat álgobivdduide lea stuorát go maid NJFF lei vuordán.
Eanas oasseváldinsajit dáin 218 álgobivdui leat juo dievvan, muhto NJFF muitala lea ain vejolaš fiidnet saji muhtin álgobivdinjoavkkuin.
Álgobivddu beroštupmi lea lassánan, ja ođđa ja hárjánan bivdit iluin guhkás mátkkoštit vai besset searvat álgobivdimiidda.
– Min čuonjábivdinkursa lei suoidnemánu 3. beaivvi juo dievvan. Oasseváldit bohtet gitta Kabelvågas ja Harstadas, gitta Ráisii gos čuonjábivdu galgá leat. Dát mátkkit leat 50 ja 40 miilla, ja dát čájeha man bivnnut dát fálaldat lea, muitala Romssa fylkačálli Karl-Petter Johansen.
Dáppe gávnnat dieđuid buot álgobivdduid birra:
https://www.njff.no/jakt/Sider/Bli-med-NJFF-pa-jakttur.aspx
Norgga Bivdiid- ja Guolásteddjiidlihtu neahttasiiddus gávnnat dieđuid álgobivdduid birra, gos álgobivdinkursat leat ja makkár álgobivdduide sáhtát ain searvat.
