Aktor dáhttu ahte Divttasvuona almmái, gii láhttii noaidin ja seksuálalaš illastii guhtta nissonolbmo, biddjo giddagassii čieža jahkái.
Aktor dáhttu ahte Divttasvuona almmái, gii láhttii noaidin ja seksuálalaš illastii guhtta nissonolbmo, biddjo giddagassii čieža jahkái.
Badjel 40-jahkásaš dievdu lea áššáskuhtton seksuálalaččat illastan illastan guhtta nissonolbmo Divttasvuonas Nordlándda fylkkas.
Son lea njuolggut biehttalan daid daguid. Son oaivvilda illasteamit eai leat dáhpáhuvvan dahje lea sáhka iešdáhtolaš seksuála daguin.
Sálttu diggegottis gohčodii áktor Jorild Steindal albmá gielisin ja čuoččuhii son berre čohkkát giddagasas čieža jagi, čállá NRK.
Veagalváldán nuorra nieiddaid
Almmái galgá leat láhtten ahte lea noaidi, ja čađahan seksuála doaimmaid nissoniiguin. Son lea dájuhan sin ahte sáhttet energiija čoaggit dainna seksuála vugiin ja ožžot oktavuođa sin jápmán áhčiin, dahje dát dikšu sin.
– Eanaš nieiddat ledje nuorat go illasteamit dáhpáhuvve, muhtimat ledje vuolil 18-jahkásaččat ja muhtimat ledje doaimmashehttejuvvon. Earát ledje rašes dilálašvuođas albmáin go illasteamit dáhpáhuvve, dan dáfus ahte son doaimmai noaidin gii máhttá dikšut sin, muitala Steindal NRKii.
Veahá doaimmashehttejuvvon
Psykospesialisttat leat guorahallan albmá ášši oktavuođas, go diggi lea gohččon dan. Sin loahppaboađus lea ahte almmái lea veahá doaimmashehttejuvvon. Steindal dieđiha ahte čuoččuhus albmá vuostá geahpiduvvo dán raportta dihtii.
– Vaikke sus lea diagnosa, de sáhttá son ráŋggáštuvvot. Muhto go su sivalašvuohta geahpiduvvo, de dagaha dat dávjá ahte ráŋggáštus geahpiduvvo, muitala son.
(©NTB)
