Sámediggeráđđi lea juolludan 470 000 ruvdnosaš doarjaga Airport Cafe AS:i viiddidit gievkkana ja guossohanlanja Leavnnjas.
Lea guossohanbáiki Marthes Bistro masa doarjja galgá geavahuvvot, Leavnnja guovddážis lahka váldoluotta. Guossohanbáikkis lea dárbu viiddidit gievkkana ja guossohanlanja, maiddái dainna jurdagiin ahte lea dárbu áimmahuššat gussiid dálá njoammundilis, čuožžu Sámedikki preassadieđáhusas.
– Sámediggeráđđi doarju Porsáŋggu gieldda ealáhusovdáneami. Báikkálaš biepmu ja borramušgálvvuid čalmmustahttin leat guovddáš áŋgiruššansuorggit min doarjjaortnegiin, dadjá ráđđelahttu Silje Karine Muotka (NSR).
