Fylkkamánni Romssas ja Finnmárkkus lea addán lobi báhčit guovžža Mátta-Várjagis.
Báhčinlohpi, mii lea njálmmálaččat addon, guoská suoidnemánu 12.-22. beaivái, Nationen dieđuid mielde.
Lea maid addon lohpi báhčit guovžža eará sajis Mátta-Várjagis dan dihte go lei oaguhan boazoealu. Eai leat dieđut leago seamma guovža man birra lea sáhka.
Ii njiŋŋelasguovžžas
Dát báhčinlohpi ii guoska jus lea sáhka njiŋŋelasguovžžas mas leat čivggat.
Okta báhčinlohpi Namdalas Troanddimis lei gieskat gesson ruovttoluotta go DNA-boađus čájehii ahte lei njiŋŋelas guovžža birra sáhka.
(©NTB)
