Semi-goallosvovdna bulii Suolovuomes mannan ija.
E45 luodda Suoluvuomi bokte lea fas rabas dál. Geaidnu leamaš gitta máŋga diimmu buollima geažil.
Diibmu 0550 lávvardaga čuovganeapmái ožžo politiijat dieđu ahte Suolovuome bokte Guovdageainnu suohkanis lei muhtin guorbmebiilla goallosvovdna buollán. Joris lei geaidnobargo mašiidna. Nu dieđiha Finnmárkku politiija twitteris.
Go buollinčáskadeaddjit ja politiijat jovde Suolovuopmái de lei goallosvovdna buollime olles leahtuin. Jori ledje nagodan gálgat geasehanbiillas ja nu ii buollán biila maid.
Diibmu 0800 dieđihit politiijat ahte buollima leat čáskadan ja geaidnu fas rabas. Politiijat váruhit ahte oasit buollán goallosvovnnas sáhttet ain leat geainnu alde. Politiijat dutket ášši ja leat dál pláneme movt semi-goallosvovnna galggašii geasehit eret báikkis
