Nordlys lea váidojuvvon go leat juohkán vaššicealkámušaid ja behtolaš ođđasiid sápmelaččaid vuostá, aviisa debáhttalávddis Nordnorsk debatt.
– Kommentárain bohtet ovdan olu rasisttalaš guottut sámevuhtii ja sámi boazodollui. Dál maŋimuš nu gohčoduvvon Joika-áššis, dadjá Hans Petersen, gii lea váidán aviissa, NRK:i.
Nordlysa váldodoaimmaheaddji, Helge Nitteberg, ii leat vuorjašuvvan váidámuša dihte.
– Hirpmástuvan jos politiijat válljejit geavahit návccaid dákkár áššái. Dát lea juoidá maid galgat sáhttit čoavdit rabas digaštallamis, dadjá son.