Juovllagávppašeapmi neahtas lea lassánan 15 proseanttain, ja Áltá lea báikkiid gaskkas gos neahttagávppašeapmi eanemus lea lassánan,
Statistihkka, man Klarna-máksinfitnodat lea doaimmahan, čájeha ahte sin máksinčovdosiid čađa lea stuora vuosttaš vahkkuid juovlamánus. – Diimmáža ektui lea lassánan 15 proseantta eanet min máksinčovdosiin guokte vuosttaš vahkkuid maŋŋel Čáhppes vahkku. Sogn ja Fjordane lea dat fylkka gos gávppašit eanemus, ja Áltá fas dat suohkan dan 100 stuorámus suohkaniin gos ássit leat eanetmus gávppašan neahtas, dadjá Klarna Norgga márkandirektevra Thomas Elvestad preassadieđáhusas man Klarna lea sádden.
Álttás gávppašedje neahtas 46 proseantta eanet go muđui Norggas.
Nuorat čeahpimusat
Statistihkas oidno ahte badjelaš 60 proseantta leat nissonolbmot, ja badjel bealli leat gaskal 36 ja 55 jagi boarrsáat. Logut maid čájehit ahte badjel 56-jahkásaččain lea jođaneamos lassáneapmi neahttagávppašeamis.
– Nuorat leat čeahpibut plánet ja oastit go leat buorit fálaldagat. Orru vuhttome ahte lei Čáhppes vahkku. Boarráset olbmot ostet unnimusat neahtas, muhto dat lohku maid lassána diimmá ektui, dadjá Elvestad preassadieđáhusas.
