Finnmárkku fylkkagielda ja Lappi leatna leat vuolláičállán ovttasbargošiehtadusa. Fylkkaid ovttasbargu galgá nannejuvvot.
Finnmárkku fylkkagielda ja Lappi leatna leat vuolláičállán ovttasbargošiehtadusa. Fylkkaid ovttasbargu galgá nannejuvvot.
Roavvenjárggas deaivvadedje Finnmárkku ja Lappi ovddasteaddjit, digaštallát vejolaš ovttasbargovugiid. Dan dieđiha Finnmárkku fylkkagielda preassadieđáhusas.
Gievrudit báikkálaš jiena
Fylkkadikkiovddasteaddji Remi Strand searvvai čoahkkimii. Strand deaivvadii fylkkajođiheddjiin Mika Riipi, Lappi ovddasteddjiin Davvikalohtaráđis Arto Ojala, ja Kolarctic ja Davvikalohttaovttasbarggu čállingottiid ovddasteddjiiguin.
Bealit leat ovttaoaivilis ahte háliidit gievrudit báikkálaš jiena arktalaš gažaldagain, earret eará Barentovttasbargu čađa.
Vuolláičállet šiehtadusa
Finnmárku jođiha Davvikalohttaráđi 2017:s, ja okta mihttuin lea nannet ovttasbarggu Finnmárkku ja Lappi gaskka. Dat guokte fylkka vuolláičállet ovttasbargošiehtadusa dán jagi.
Šiehtadus čielggada movt sáhttá nuppi dievasmahttit ja gievrudit, ovdamearkka dihte ovdánahttimis, mátkkoštanealáhusas, johtalusas, kultuvrras ja oahpahusas.
