Dálkkádat- ja birasministtar Vidar Helgesen evttoha rievdadit njuolggadusaid mat gusket goaskimiid báhčimii. Álgovuorus lea geahččalanortnega birra sáhka.
Dálkkádat- ja birasministtar Vidar Helgesen evttoha rievdadit njuolggadusaid mat gusket goaskimiid báhčimii. Álgovuorus lea geahččalanortnega birra sáhka.
Gulaskuddanáššis evttohuvvo ahte eai galgga leat nu garra gáibádusat addit lobi báhčit boraspire. Dát ášši galgá doaibmat guovtti guovllus Fuovssus ja ovtta guovllus Romssas.
Obbalaš njeaidinlohpi
– Mis ii leat nu viiddis vásáhus movt sáhttá hehttet ja unnidit ahte sávzzat ja bohccot borahallet gonagasgoaskimiidda. Mii dárbbašit eanet dovddiidusa ja gelbbolašvuođa oažžut dain báikkiin gos eanemusat čuohcá, ja sierra várrejuvvon guovlluin, ovdal go sáhttit bistevaš mearrádusa dahkat riikkadásis, muitala Helgesen.
Evttohuvvon rievdadusas ii galgga šat identifiseret makkár gonagasgoaskin lea vahágahttán. De sáhttá addot obbalaš báhčinlohpi guovlluin gos leat ollu vahágahttimat leamaš máŋggaid jagiid badjel.
(©NTB)
