Davvi-Norgga Dáiddamusea ja RiddoDuottarMuseat sáhttet fasket vel ovtta bálkkašumi Sámi Dáiddamusea ovddas.
Davvi-Norgga Dáiddamusea ja RiddoDuottarMuseat sáhttet fasket vel ovtta bálkkašumi Sámi Dáiddamusea ovddas.
Dábálaččat vurkkoduvvo Sámi dáidda sevdnjes museakealláris go duohta máilmmis ii gávdno Sámi Dáiddamusea.
Diibmá gurrejedje Davvi-Norgga Dáiddamusea ja ráhkadedje Romssa gávpogii fiktiiva Sámi Dáiddamusea.
Dál lea dát nammaduvvon oažžut 2017 Dáiddaárvvoštallibálkkašumi, dahje 2017 Kunstkritikerpris.
– Dát lea jáhkkemeahttun, lea jo stuora vuoitun go leat árvaluvvon oažžut bálkkašumi, dadjá Davvi-Norgga Dáiddamusea direktevra Jérémie M. McGowan preassadieđáhusas.
Olu gudni
Davvi-Norgga Dáiddamusea ja RiddoDuottarMuseaid ovttasbargu lihkostuvai bures.
Sámi Dáiddamusea lea jo ožžon moadde kulturbálkkašumi ja dat geasuhii nu olu olbmuid Davvi-Norgga Dáiddamuseii ahte olahedje ođđa olahusa diibmá.
Fiktiivva musea geažil válljejuvvui Davvi-Norgga Dáiddamusea jagi 2017 musean.
