– Doaruhii vávttaid Midnattsrockenis 

Hámmárfeasta:

Politiijat várohit ahte dievdu gii lea birrasii 50-jahkásaš lea vuodján vuojániin mannan ija go ii leat čielggusoaivvis. Politiijat muitalit ahte dievdu lea leamaš doaktára luhtte ja sii leat ceggen ášši dáhpáhusa ovddas.

Leavdnja:

Ovtta báikkis Leavnnjas váide ránnját go lei feastariedja, muhto go politiijat jovde báikái, de lei feastariedja jaskkodan.

Midnattsrockena vávttat ei luoitán ovtta dievddu, gii lea badjelaš 40 jahkásaš, sisa festiválabáikái. Dan ovddas riejáskii dievdu ja doaruhii ovtta vávtta. Politiijat muitalit ahte dáhpáhusa maŋŋel bođii váidda sidjiide.

Lávvordaga iđđedis leat politiijat dolvon ovtta nuorra dievddu ruoktot go lei gárrendilis Leavnnja márkanis.

Áltá:

Álttás muitaluvvo borranbáikkis leamaš iskos ja ahte buot lea ortnegis doppe. 

Priváhta čujuhusas dieđihuvvui ollu riedja mannan ija. Eaiggát oaččui dieđu dáhpáhusa birra, muhto ieš ii lean ruovttus. Son áiggui sihtat sin geat leat su dálus, unnidit daid alla jienaid.

Vuonnabahta:

Politiijat leat iskan leahtu Vuonnabađas ja muhtin dievdu gii lea badjelaš 30 jahkásaš vujii 114 km/diimmus, báikkis gos lea 80 km/diimmus leahttorádji. Dan ovddas oaččui sáhku. Su biilla váilui maid dáhkádus, nu ahte politiijat válde šilttaid maid eret biillas.

Girkonjárga

Dievdu gii lea badjelaš 50 jahkásaš ja gárihuvvan, lei suhtuiguin olgobáikkis. Politiijat leat addán čielga dieđu sutnje ahte ii galgga leat guovddážis ovdal go nuppe beaivvi, áramusat iđđes.

Barentshálla olggobealde lei muhtin stoagadeame vuojidettiin.

– Mii sávvat ahte heaitá suddadeame deahkaid hálla olggobealde. Ii leat nu somá alcces jus šaddá ruđaid bidjat sáhku máksit ja ođđa vuodjinkoartta máksigoahtit, ovdalii go ođđa biiladeahkaid oastit, dieđihit politiijat Twitteris ja lasihit ahte sii leat addán várohusa biilavuoddjái.