Áidna vejolašvuohta beassat lulás Romsii dahje davas Finnmárkui lea Suoma čađa.
Nuovasmuotki lea ain gitta dan sivas go guovllus lea stuora uđasvárra.
Disdaga diibmu 12:00 galgá Stáhta geaidnodoaimmahat ođđasit árvvoštallat sáhttá go čađahit ráidovuodjima dahje rahpat geainnu.
Dál lea áidna vejolašvuohta beassat Romssa fylkii dahje Finnmárkui vuodjit Suoma čađa.
Jus it oro rádjesuohkaniin Omasvuonas, Gáivuonas, Ráissas, Guovdageainnus, Kárášjogas, Deanus, Unjárggas dahje Mátta-Várjjagis, de gáibida Suopma ahte dus lea koronasertifikáhtta ja negatiiva koronaiskkus mielde.
Koronaiskkus sáhttá leahkit juogo PCR-iskkus dahje jođanisiskkus mii lea váldon iskkusguovddážis, ja mii lea váldon unnit go 48 diimmu ovdal boađat Suoma ráji lusa.
