Olles 81 biilavuoddji leat sáhkkohallan go leat beare leahtus vuodján Finnmárkkus guovtti maŋemus beaivvis.
Ikte čálii Ávvir go 31 biilavuoddji sáhkkohalle iešguđetge guovllus Finnmárkkus.
Go jándora golihii, de sáhkkohalle vel 50 biilavuoddji leahtu geažil.
Nu leat oktiibuot Finnmárkkus sáhkkohallan 81 biilavuoddji disdaga ja gaskavahku jándoriin.
Dasa lassin massii okta vel biilakoartta.
Eanemus sáhkkohalle Riehpponávžžis gaskavahku.
Doppe sáhkkohalle 19 biilavuoddji go leat beare leahtus vuodján luottas mas lea leahttomearri 80 km/d.
Eanemus leahttu maid politiijat mihtidedje lei 125 km/d.
E45 luottas, Álttá lahka, ledje guovttis geat reakšuvnna ožžo politiijain.
Nubbi vujii 114 km/d luottas mas leahttomearri lea 90 km/d.
Nuorra nieida massii vuodjinkoartta go vujii 139,74 km/d seamma luottas.
