Stuoradiggi lei bidjan miljárdda ruvnno stipeandan, studeanttaide geat masse sisaboađu koronakriissas. Muhto bealli dáin ruđain eai leat geavahuvvon.
Máhttodepartemeantta ii lohpit ahte dát 600 miljovnna ruvnno bohtet buorrin studeanttaide maŋit áiggis.
– Dan eat sáhte dál lohpidit, muhto mii čuovvut mo dilli rievdá ovddasguvlui. Nu go dál orru, lea eanaš studeanttain buorre ekonomiija. Mii fertet maid jurddašit dáid ruđaid geavahit eará studeanttadoaimmaide, ovdamearkka dihte hukset studeanttaorohagaid, lohká Dutkan- ja alitoahpu ministtar, Henrik Asheim, VG:ii.
Studeanttat šadde váldit 18 000 ruvdnosaš lassiloana, jus galge sáhttit oažžut 8000 ruvdnosaš stipeandda.
– Dat gal lea sihkkarit dagahan ahte olu studeanttat eai oba ohcange veahkkestipeandda, go eai háliidan lasihit loana. Muhtin studeantat eai vissa diehtán ge dán ortnega birra, lohká studeanta ja studeanttasearvvi nuppijođiheaddji, Simen Oftedahl.
(©NTB)
