Namma: Silje Máret Somby
Ahki: 26
Guovlu: Kárášjohka
Silje Máret lea beatnatgárddis vielpáiguin kosemin go Ávvir riŋge. Sus leat aiddo šaddan guhtta vielpá. Silje Máret muitala ahte dát vielpát soitet šaddat gilvobeanan, muhto dat eai beasa gilvvohallagoahtit ovdal go leat beannot-jahkásaččat.
– Dat álget álggos dušše ruohtadit ovdal go de leat gergosat beatnatráiddus hárjehallat. Lea hui ollu dat ahte dain galgá leahkit somá, ii galgga leahkit lossat, lohká Silje Maret.
1. Guđe fylkkagielddas lea Galdhøpiggen, Norgga alimus várri?
– Ha-ha, mun gal in dieđe. Trøndelága? Boastut!
Rievttes vástádus: Innlandet.
2. Mii lea dovddus áppa namma mas sáhtát dahkaluddet ahta lávllut, dánset ja filbmet iežat?
– Tiktok. Riekta!
3. Mii šaddá sátni «láibut» mii-persovnnas preterihttahámis?
– Dieđehal mii preterihtta lea. Mii láibut, mii láibbuimet …Mii láibbuimet. Riekta!
Silje Máret ii vástidan riekta buot golmma gažaldahkii iige beasa geahččalit liigegažaldagaid vástidit.
Juohke gilvaleaddji beassá vel geahččalit vástidit ovtta árvádusa. Rukses árvádus lea váddáseamos ja jus dan máhttá, de oažžu 15 čuoggá. Alit árvádusain oažžu 10 čuoggá ja ruoná árvádusain 5 čuoggá. Jurddašanáigi: 1 minuhta.
Silje Máret vállje alit árvádusa.
Makkár gažaldahkii it sáhte vástidit «juo» nu ahte it gielis?
– Leat go don fillemin? Boastut!
Rievttes vástádus: «oađát go don?»
– Jáá, dien gal livččen galgan diehtit. Dien gal lean oaidnán ovdal, lohká Silje Maret.
Čuoggá oktiibuot: 2
Juohke gilvaleaddji beassá hástalit ođđa gilvaleaddji Ávvira geassegilvui.
– Mu oabbá gal lea liikká čuorbi, muhto mun sáhtán su hástalit, Mia Somby.
Silje Máret meine geavahit áiggi iežas beatnagiidda ja dušše návddašit luomu ruovttus Kárášjogas ovdal go skuvla fas álgá.
Njunnošis: Anne Berit Pulk
Galle čuoggá: 20
