Gaskavahkku iđida ožžo politiijat dieđu ahte okta dievdoolmmoš lei skuteriin doddjon jieŋa čađa Bissojoga guovllus.
Finnmárkku politiijat dieđihedje twittera bokte ahte dii 09.34 gaskavahkku iđida ožžo politiijat dieđu skutera birra mii lei doddjon jieŋa čađa, oktan skutervuddjiin, Bissojoga guovllus, Porsáŋggu suohkanis. Skutervuoddji galgá beassan ieš čázis bajás.
Dii 10.12 duođaštedje Davvi-Norgga Váldogádjunguovddáš politiijaid bokte ahte Sea-King helikopter lea leamaš gádjume skutervuoddji.
– Lei 45-jahkásaš dievdoolmmoš gii lei doddjon jieŋa čađa skuteriin. Dievdoolbmuin lea bures mannan, ja Sea King válddii olbmá helikoptera mielde Bának girdistašuvdnii, muitala Operašuvdnaguovddáža jođiheaddji Leo Johansen Ávvirii.
Johansen ii loga diehtit makkár oktavuođas skutervuoddji lei vuodjime guovllus.
