Oktiibuot dušše 39 olbmo buollimiid geažil 2018:s, čájehit Servodatsihkarvuođa- ja gearggusvuođadirektoráhta logut. Juovlamánus jápme gávccis buollimiin.
– Gávcci maŋimuš jagi leat jápminlogut njiedjan. Sávvamis leamaš báikkálaš buollin- ja ruhttejeaddjeveagaid eastadandoaimmat ja el-rávdnjebearráigeahčut ávkin. Ulbmil livččii ahte olbmot eai oba duššaše ge buollimiin, dadjá Servodatsihkarvuođa- ja gearggusvuođadirektoráhta direktevra Cecilie Daae preassadieđáhusas.
1979:s registreregohte gallis duššet buollimiid geažil, ja dan rájes leat gaskamearálaččat 61 olbmo jápmán buollimiin.
2017 jápme unnimus olbmot, dalle dušše 26:s.
