26 kilomehtera guhkkosaš Aldonrennet Unjárggas lágiduvvo dán jagi 38. geardde.
26 kilomehtera guhkkosaš Aldonrennet Unjárggas lágiduvvo dán jagi 38. geardde.
1970-logus árvaluvvui čuoigan mii ii galgga lágiduvvot dušše gilvočuigiide.
Dan áigge lei stuora ja aktiiva čuoiganbiras Unjárggas gos ledje sihke gilvočuoigit ja tuvrrahasat, geat ledje áŋgirat oažžut dákkár čuoigama iežaset guvlui.
1980:s lágiduvvui dat vuosttaš Aldonrennet, mii dál máŋgalogi jagi maŋŋel ain lágiduvvo.
26 kilomehtera guhkkosaš čuoigan
Aldonrennet lea 26 kilomehtera guhkkosaš čuoigan mii dán jagi lágiduvvo sotnabeaivvi, njukčamánu 4. beaivvi. IL ILAR ja Unjárgga valáštallansearvi lágidit dán ovttasráđiid.
Dan 38 jagi go dát čuoigan lea lágiduvvon, lea dat šaddan árbevierrun eatnasiidda, ja olu čuoigit servet juohke jagi. Gilvoluohkkái servet čuoigit miehtá Finnmárkku, ja tuvraluohkkái fas eanas olbmot lahkosis; Unjárggas, Čáhcesullos ja Deanus.
Dieđihanáigemearri gilvoluohkkái lea bearjadaga, njukčamánu 2. beaivvi, ja sis lea oktasašvuolgga. Earát dieđihit iežaset go ollejit dohko seamma beaivvi.
